[b]امثال x امثال[/b]

المثل هو مستودع لاختبارات اهل القرون الخالية محفوظة في قالب يدوم بعد انقضاء تلك الاختبارات ويستدل به الحكيم في كل عصر علي سر الحكمة المودعة فيه
ولكم مني بعض الامثال وغالبيتها سوف تكون بالعامية المصرية
1- بيدور علي ابره مرمية في كوم قش.
2- ابريق الحنبلي كل مايفرغ يتملي .
3- شيل دا عن دا يرتاح دا من دا .
4- ابعد عن الشر وغني له .
5- ابن الوز عوام .
6- ابن بطني يعرف رطني .
7- ابن مين اللي محمول .....ابن اللي عندها مأكول .... ابن مين اللي ماشي ......... ابن اللي ماعندهاشي.
8- ابو البنات مصطبة للأندال .
9- ابو بلاش كتر منه .
10- ابوه البصل وامه التوم ومنين له ريحه طيبة يا شوم .
11- اتعشي واتمشي .
12- اتلم الشامي علي المغربي .
13- اتلم المتعوس علي خايب الرجا .
14- اجري يابن ادم جري الوحوش غير رزقك لم تحوش .
15- اجري يا عبد وانا اسعي معاك .
16- اجوع من القملة في الرأس الاقرع .
17- احرس القصب بالقصب .
18- احييني النهاردة وموتني بكره.
19- اخاف واكش من دا الوش .
20- ان دبلت الوردة ريحتها فيها .
21- كنت مرتاحة ..... جبت لي حاحة .
22- من جاور الحداد ينكوي بنارة .
23- مافيش لحمة بعد الفتة .
24- الخير يحص والشر يعم .
25- اخر الحياة الموت .
26- اخر الدواء الكي .
27- اخر الصبر سكين.
28- اخرالعنقود سكر معقود .
29- اخر خدمة الغز علقة .
30- اخطب لبنتك ومتخطبش لابنك .
31- اخلص تخلص.
32- ادي عقلي لغيري !
33- ادي البير وادي غطاه .
34- ادي الجمل وادي الجمال .
35- ادي السما وادي الارض .
36- ادي الفولة وادي كيالها .
37- ادي الله وادي حكمته .
38- اديني اليوم صوف وابقي قابلني وخد خروف.
39- اديني عمر وارميني البحر.
40- اديها ميه تديك طراوه .
41- اذا رحت بلد بتعبد عجل ...... حش وارمي له .
42- اذا عرف السبب بطل العجب .
43- اذا كان اللي بيتكلم مجنون ...... يبقي اللي بيسمع عاقل .
44- اذا كان لك عند الكلب حاجة .... قل له يا سيدي .
45- اذا وقع الثور كترت سكاكينة .
46- اربط الحمار مطرح ما يحب صاحبة .
47- ارزاق ناس علي قفا ناس .
48- ارقص للقرد في دولته .
49- اسأل عن الجار قبل الدار.
50- اسال مجرب ولا تسأل طبيب.